هناك اكثر من طريقة للإستمتاع بالعيد بدون ما تتأثر نتائجنا و الحين راح نعطيك ٤ طرق و خيارات (اختار اللي يناسبك منهم)
و نبدأ بالخيار الاول :
انك تاخذ اول يوم عيد (يوم شبه مفتوح) تتناول فيه وجبتين رئيستين (لحد الشبع) مع حلو مرة او مرتين باليوم و تصوم بعدها (١٤-١٦ ساعة)
و ثاني يوم العيد تاخذ وجبة مفتوحة واحدة (تتناول فيها لحد الشبع) مع حلو و وجبة ثانية تكون قليلة بالكارب و الدهون و عالية بالبروتين و الالياف و تصوم بعدها (١٤-١٦ ساعة)
و من ثالث يوم العيد ترجع لنظامك الغذائي و تقلل ٢٠٠ سعرة من سعرات ثالث و رابع و خامس يوم العيد، و بعدها ترجع لسعراتك العادية
الخيار الثاني :
تاخذ اول يوم عيد (يوم شبه مفتوح) تتناول فيه وجبتين رئيستين (لحد الشبع) مع حلو مرة او مرتين باليوم و تصوم بعدها (١٤-١٦ ساعة)
و ثاني يوم عيد ترجع لنظامك الغذائي
الخيار الثالث :
اول يوم العيد تاخذ وجبة مفتوحة واحدة (تتناول فيها لحد الشبع) مع حلو و وجبة ثانية تكون قليلة بالكارب و الدهون و عالية بالبروتين و الالياف و تصوم بعدها (١٤-١٦ ساعة)
و ثاني يوم العيد نفس اول يوم
و ثالث يوم العيد ترجع لنظامك الغذائي
الخيار الرابع :
إذا صارلك اكثر من ٣ اشهر متبع نظام لخسارة الوزن فممكن تاخذ دايت بريك لمدة اسبوع (و يكون اسبوع العيد)
و كل عام و انتم بخير❤️
إذا حاب تعرف اكثر عن الدايت بريك فغطينا الموضوع في هذا الفيديو (اضغط هنا)
